香港網頁設計｜ 網站及網店設計，本地同海外客人一齊照顧
我哋做香港網頁設計同網店，特別幫客人唔止喺香港嘅生意：有啲客人已經移咗民去加拿大，有啲貨要寄去北美，有啲要同時出繁體同英文版。私隱條例要求嘅收集個人資料聲明、轉數快付款、香港字眼，一開始就計埋落去。
講明先：我哋團隊喺溫哥華，同香港相差 15 個鐘，全程遙距合作，用 WhatsApp、微信同視像會議傾。我哋喺香港冇辦公室，亦唔會上門。
香港網站設計：
搵我哋之前，先睇下啱唔啱
揀網頁設計公司，地點同溝通方式都好緊要。遙距合作有佢嘅好處，亦有做唔到嘅嘢，兩邊我哋都照直講，慳返大家時間。
比較啱你
- 你有一部分客人喺加拿大或者北美，例如移民顧問、地產、保險、教育同留學服務
- 你想網站喺加拿大嘅 Google 都搵得到，唔止喺香港
- 你做出口生意或者跨境網店，貨要寄去海外
- 你接受用 WhatsApp、微信同視像會議溝通，唔需要見面
未必啱你
- 你需要每個禮拜面對面開會，或者想有人上門睇舖
- 生意主要靠附近街坊，客人用 Google 地圖搵你，本地團隊對區內情況會熟啲
- 一個禮拜之內就要上線
客人一半喺香港，
一半喺加拿大
近幾年唔少香港人移民加拿大，當中有啲人仍然會搵返熟悉嘅香港公司處理保險、物業同其他事務。網站要令兩邊嘅客人都搵到、睇得明、聯絡得到。
- 香港版同加拿大版，有分別先拆開服務範圍、牌照要求、收費貨幣兩邊唔同，就分開兩組頁面，用 hreflang 標明邊版畀邊個地區。只係換幾隻字嘅，就唔好硬拆，一版寫清楚兩地都做就得。
- 時間、電話、貨幣，兩地都寫清楚預約表格要講明係香港時間定加拿大時間；電話寫埋 +852 或者 +1；涉及收費嘅地方，寫明係港幣定加幣。
- 域名揀邊個.hk 任何人都可以註冊；.com.hk 就要喺香港登記咗嘅公司先申請到。兩地都做嘅，用一個 .com 加 hreflang，通常比開幾個域名易打理。
- 喺加拿大嘅 Google 都要有位加拿大嘅搜尋結果同香港唔同，要針對加拿大城市名同當地用字寫內容，長線做法可以睇 谷歌 SEO 服務。
香港網頁設計嘅用字：
同係繁體，香港同台灣唔同
好多網站模板同翻譯工具出嚟嘅繁體，用嘅其實係台灣字眼。香港客人一睇就覺得唔對路，好似唔係同自己講嘢。
- HTML 標明 lang="zh-HK"好似圖入面嗰段程式碼，開頭寫住 lang="en"。中文網站要改做 zh-HK，瀏覽器同搜尋器先知道係香港中文。
- 標題用書面語，內文可以講廣東話香港人搜尋多數打「網頁設計」「網店設計」呢類書面語，標題同網址就跟住呢啲字；內文想親切啲，就用廣東話寫。
- 英文版另外寫，唔係逐句翻譯英文讀者睇嘅重點唔同，例如加拿大客人會先留意牌照同服務地區，內容次序要重新排過。
聯絡按鈕：
WhatsApp 放第一位
好多香港客人寧願 send 個 WhatsApp，都唔想打電話。手機版第一屏放一個 WhatsApp 掣，一撳就開對話，比要人抄低電話號碼方便得多。
- 一撳就開 WhatsApp 對話用 wa.me 連結，再預先填好一句「你好，我想問……」，客人唔使諗點樣開口。
- 電話號碼用國際格式寫成 +852 開頭，喺海外嘅客人一撳都撥得通。
- 一頁一個重點手機屏幕細，一頁塞太多推廣，客人反而唔知撳邊度好。
- 唔好一開頁就彈大框彈出視窗遮住內容，手機用戶未睇到你做乜就已經走咗。
香港網店設計：
收錢同寄貨去海外
香港冇銷售稅，網店喺本地賣嘢相對簡單。一寄去海外，就多咗關稅、運費同付款方式要處理。
FPS
轉數快本地客人慣用，可以加入結帳選項（視乎支付服務商支援）E-wallets
PayMe · AlipayHK電子錢包付款，按你用開嘅收款平台開通Ship to Canada
CAD 20由香港寄去加拿大，貨值超過 20 加元，收件人一般要交關稅同銷售稅Currency
港幣 / 加幣海外客人睇返自己嘅貨幣，按地區顯示價錢- 結帳頁講清楚邊個交稅寄去加拿大嘅訂單，要寫明稅項係你代付，定係客人收貨時自己付。冇講清楚，客人收貨嗰陣突然要補錢，好容易一嬲就拒收。
- 運費按地區分開設定香港、加拿大、美國各自一套運費同送貨時間，唔好全世界一個價。
- 海外退換貨要寫明寄返香港嘅運費邊個畀、幾多日內可以退，買之前睇得到，客人先放心落單。
平台點揀：產品唔多、想快啲開舖，用 Shopify 跨境獨立站；要會員價、批發價，或者唔想月月交平台費，就用 WordPress 網站設計 加 WooCommerce。做出口、要報價單同起訂量嘅，可以睇 B2B 網站平台開發。
以上係建網店時嘅設定提醒，唔構成稅務意見；關稅同稅率以加拿大邊境服務局（CBSA）公布為準。新網店頭幾個月可以先用 Google 廣告投放優化 試市場。
私隱條例：
表格要附「收集個人資料聲明」
網站表格收姓名、電話、電郵，就已經係收集個人資料。《個人資料（私隱）條例》要求喺收集嗰陣話畀對方知用途同會轉交邊類人；打算用嚟做直接促銷嘅話，仲要先攞到對方同意。
香港網站好常見嘅幾個位：
表格冇附收集個人資料聲明
客人唔知啲資料用嚟做乜、會唔會轉畀其他公司，自然唔願意填。
推廣同意同服務條款綁埋一齊
撳「同意條款」就當同意收推廣。私隱專員公署提醒過，唔好噉樣設計表格。
客人話唔要推廣，系統照寄
客人隨時可以要求停止，收到要求就要停，電郵系統要跟得上。
名單轉畀合作夥伴做推廣，冇另外問過
將資料交畀第三方做直接促銷，要另外攞同意，罰則仲重。
我哋喺網站上會做嘅嘢
- 表格旁邊放聲明連結寫明用途同轉交對象；聲明內容由你或者律師定稿，我哋負責擺喺啱嘅位置。
- 推廣同意用獨立剔選方格同服務條款分開，客人揀唔揀都唔影響提交表格。
- 每封推廣電郵都有取消訂閱連結撳完即時生效，唔使客人再寫信要求。
- 寄畀加拿大客人嘅推廣電郵仲要符合加拿大反垃圾郵件法（CASL）：要有同意、寫明寄件人、附取消訂閱方法。
違反直接促銷規定，可被罰款高達 50 萬港元及監禁 3 年；為得益而將資料轉交他人作直接促銷，罰款可達 100 萬港元及監禁 5 年。以上唔構成法律意見，具體做法請諮詢律師。
香港網站製作流程：
隔住 15 個鐘點樣合作
卑詩省由 2026 年 11 月起唔再轉冬令時間，溫哥華同香港以後全年都係相差 15 個鐘。我哋嘅日間係你嘅深夜，所以平時主要用留言溝通，開會就約一個兩邊都得嘅時間。
Hong Kong · HKT
朝早 9:00你啱啱返到公司Vancouver · PT
前一晚 6:00我哋收工之前全年
15 個鐘兩邊都唔轉時間，相差固定視像會議傾需要
約喺香港朝早，即係溫哥華前一晚。你講客人喺邊、點樣成交；我哋會預先睇過你而家個網站同對手，帶住問題嚟傾。
網址清單同線框圖
先列出每一頁負責邊個搜尋字，再畫版面次序。呢一步淨係傾放咩內容、邊樣先出，唔傾顏色。
設計、開發同寫內容
首頁定咗稿先做內頁。繁體內容由我哋寫，用香港字眼；英文版按客群決定做幾多頁。每批做好都會傳預覽連結，手機打開就睇到。
上線前逐項剔
手機版面、載入速度、表格收唔收到、私隱聲明連結、轉數快同信用卡測試單、Google 嘅 Search Console 有冇接好，全部剔晒先上線。
交接
域名、主機同網站後台全部登記喺你名下，另外錄一段片教你改字、換相、加產品。
可以公開嘅案例，
暫時係加拿大兩個
我哋未有可以公開嘅香港網頁設計案例。以下兩個項目都喺加拿大，行業同市場同你唔同，值得參考嘅係做事次序：先定關鍵字同網址，再做頁面。
加拿大 · 新網站 · 大多倫多
複合圍欄公司：由冇網站開始
呢間公司本身連網站都冇。我哋按服務類型同服務城市規劃頁面，同時開設 Google 商家檔案；網站 2026 年 5 月尾上線，到 8 月中已經有 6 個英文關鍵字打入 Google 首頁，包括 gta fencing。成個過程寫喺 多倫多網站製作 頁面。
加拿大 · 英文 SEO · 美國市場
多倫多遊戲公司：英文網站爭取美國流量
客戶嘅官網以英文為主，市場覆蓋美國。我哋 2023 年接手，集中做英文關鍵字同美國市場嘅本地訊號：域名權重由 11 升到 34，每月流量由大約 3K 增加到 18.2K。客戶已經同意公開呢組數字。
香港網頁設計：
大家常問嘅八條問題
你哋喺溫哥華，同香港差 15 個鐘，點樣合作？
我哋只做香港本地生意，適唔適合搵你哋？
客人有啲喺香港，有啲已經移民加拿大，網站要點分？
網站用繁體，係咪即係台灣嘅寫法？
網站表格要唔要寫收集個人資料聲明？
網店寄貨去加拿大，客人要唔要交稅？
香港網頁設計費用點計？
而家個網站用 Wix 或者 Shopline 做，轉 WordPress 會唔會跌排名？
傳個網址嚟，
我哋免費幫你睇一次
話我哋知你做邊行、客人喺香港定海外、而家個網站有咩問題。未有網站，講下你盤生意都得。睇完會話你知應該先改邊度，好多時唔使成個網站重做。
香港及海外華人企業 全程遙距，中文溝通 公司地址：#150-10451 Shellbridge Way, Richmond, BC
